Diskuwento sa serbisyo ng hotel para sa mga senior citizen
Dear Chief Acosta,
Nais kong upahan ang conference hall ng isang hotel sa Maynila upang doon ganapin ang anniversary ng aming samahan na senior citizens. Subalit, wala raw silang ibinibigay na diskuwento rito kahit kami ay mga senior citizen. Tama ba ang naturang hotel? — Brenda
Dear Brenda
Ang batas na sumasaklaw sa inyong sitwasyon ay ang Section 4 (a) (7) ng Republic Act No. 9994 o mas kilala bilang “Expanded Senior Citizens Act of 2010” kung saan nakalahad ang mga sumusunod:
“Section 4 of Republic Act No. 7432, as amended by Republic Act No. 9257, otherwise known as the “Expanded Senior Citizens Act of 2003”, is hereby further amended to read as follows:
“SEC. 4. Privileges for the Senior Citizens.
The senior citizens shall be entitled to the following:
(a) The grant of twenty percent (20%) discount and exemption from the value –added tax (VAT), if applicable, on the sale of the following goods and services from all establishments, for the exclusive use and enjoyment or availment of the senior citizen
Xxx Xxx Xxx
(7) On the utilization of services in hotels and similar lodging establishments, restaurants and recreation centers;”
Dagdag pa rito, nakalagay sa nabanggit na batas ang mga parusa sa sinumang lumabag sa batas na ito. Ito ay ang mga sumusunod:
“Section 7. Section 10 of the same Act, as amended, is hereby further amended to read as follows:
“SEC. 10. Penalties. – Any person who refuses to honor the senior citizen card issued by this the government or violates any provisions of this Act shall suffer the following penalties:
“(a)For the first violation, imprisonment of not less than two (2) years but not more than six (6) years and a fine of not less than fifty thousand pesos (Php50,000) but not exceeding one hundred thousand pesos (Php100,000);”
Malinaw sa mga nabanggit na binibigyan ng dalawampung porsiyento (20%) na diskuwento ang senior citizen sa mga serbisyo ng mga hotel. Ang sinumang lumabag dito ay maaaring maparusahan ng multa at pagkabilanggo sa diskresyon ng hukuman.
Samakatwid, maaaring maparusahan ang may-ari ng hotel kung igigiit niya ang hindi pagbibigay ng diskuwento sa inyo.
Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.
Maraming salamat sa patuloy ninyong pagtitiwala.
Comments