76ERS, NAKAPUWERSA NG GAME 7 VS. RAPTORS

UMISKOR si Jimmy Butler ng 25 puntos, habang si Ben Simmons ay dumagdag ng 21 nang gapiin ng Philadelphia 76ers ang bisitang Toronto Raptors, 112-101, at ipatas na ang Eastern Confrence semifinals na hawak ang tig-3 panalo.

Ang Game 7 ay lalaruin sa Linggo sa Toronto. Ang magwawagi ay aabanse para makaharap ang top-seeded na Bucks kung saan ang Game 1 ay nakaiske­dyul sa Miyerkules kontra Milwaukee.

Dumagdag si Joel Embiid ng 17 puntos at 12 rebounds habang si Torbias Harris ay may kontribusyong 16 puntos habang si JJ Redick at Mike Scott ay may 11 para sa third-seeded Sixers na hindi pa umaabanse sa Eastern Conference finals mula noong 2001 nang kanilang patalsikin ang Bucks sa seven games.

Pinamunuan ni Kawhi Leonard ang second-seeded na Raptors sa bisa ng 29 puntos at 12 rebounds.

Dumagdag si Pascal Siakam ng 21 puntos habang si Kyle Lowry ay may 13. Si Leonard ay umiskor ng 20 puntos sa walong sunod na playoff games.

Pakay ng Raptors ang ikalawang tuntong sa Eastern Conference Finals na natalo sa Cleveland Cavaliers noong 2016. Ang Sixers ay may 29-21 na pamumuno sa pagtatapos ng unang quarter at salamat sa malaking bahagi ng 8 puntos ni Simmons, 5 assists at zero turnovers.

Ang pamumuno ng Philadephia ay lumobo pa sa 38-21 sa kaagahan ng second quarter kasunod ng tatlong puntos na magkasunod mula kina Embiid at Mike Scott.

Matapos lumagpak sa likod ng 42-23, sumagot ang Raptors sa 12-0 spurt sa nalalabing 2:41 minuto at dumikit sa 5:59 na nalala­bing oras. (MC)