Mister galing trabaho, mga anak ginutom | MISIS NA ADIK SA COMPUTER GAMES, TINAGA SA ULO

ISANG ginang ang sugatan makaraang tagain ng kanyang kinakasama sa Tampakan, South Cotabato.

Ayon sa suspek na si Joey Magon, Jr., kauuwi lang niya galing sa trabaho nang datnan niya ang kanilang mga anak sa bahay na nagugutom na dahil hindi pa pinakakain ng kinakasamang si Angelou Peligrino.

Uminit umano ang ulo ni Magon nang makita niyang naglalaro lang ng computer si Peligrino kaya niya ito tinaga sa ulo.

Sumuko naman sa barangay si Magon habang nagpapagaling sa pagamutan si Peligrino. (BRT)