Mamamahayag na pinupuwersa ng maimpluwensiyang tao na pangalanan ang sources sa ginawa nitong report
Dear Chief Acosta,
Mayroon akong kilalang rehistradong mamamahayag na pinupuwersa ng mga maimpluwensiyang tao na pangalanan ang kanyang “sources” sa kanyang ginawang report kamakailan lang. Nais kong malaman kung maaari ba nilang gawin ito? — Arya
Dear Arya,
Para sa inyong kaalaman, nakasaad sa Section 5 ng Republic Act No. 10173 o mas kilala bilang “Data Privacy Act of 2012,” na:
“Section 5. Protection Afforded to Journalists and Their Sources. – Nothing in this Act shall be construed as to have amended or repealed the provisions of Republic Act No. 53, which affords the publishers, editors or duly accredited reporters of any newspaper, magazine or periodical of general circulation protection from being compelled to reveal the source of any news report or information appearing in said publication which was related in any confidence to such publisher, editor, or reporter.”
Ibig sabihin, hindi maaaring pilitin ang mamamahayag na ibunyag ang “source” niya tungkol sa balita o impormasyon na kanyang ilalathala. Kaya ang iyong kakilala na rehistradong mamamahayag ay hindi maaaring puwersahin ng nasabing mga maimpluwensiyang tao na pangalanan ang kanyang “sources” sa ginawa niyang report, kamakailan lang.
Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.
Maraming salamat sa patuloy ninyong pagtitiwala.
Comments