SWIM PILIPINAS AT COALITION FOR GOOD GOVERNANCE SA TOPS

PANGUNAHING bisita ang Coalition for Good Governance in Philippine Sports na si Lt. Gen. Charly Holganza at Swim Pilipinas, ang bagong binuong grupo ng elite swimmers sa idaraos na 21st “Usapang Sports” ng Tabloids Organization in Philippine Sports (TOPS) ngayong Huwebes, May 9 sa National Press Club sa Intramuros.

Tatalakayin ni Holganza, ang lead convenor ng grupo, ang kampanya nila para sa paghahanap ng hustisya sa Philippine Olympic Committee (POC) katuwang ang apat na national sports associations “unjustly disenfranchised from 2011 to 2016.”

Kasama si Holganza sa 10 a.m. na public service program na hatid ng Philippine Sports Commission, National Press Club, PAGCOR, Community Basketball Association at HG Guyabano Tea Leaf Drinks at napapanood sa Facebook live via Glitter Livestream sina Engr. Guillermo Mallillin ng Philippine Bowling Congress.

May 17 mga batang outstanding swimmers mula sa Swim Pilipinas sa pamumuno ni dating TOPS “Athlete of the Month” awardee Micaela Jasmine Mojdeh at Marc Bryan Dula, ang dadalo sa sesyon at babanggitin ang hinggil sa kanyang tsansa na lumahok sa nalalapit na 30th Southeast Asian Games. Sasamahan sila nina Coach Virgie De Luna at manager Joan Mojdeh.