P7.8 trillion, utang ng ‘Pinas
Mylene Alfonso
May 9, 2019
1 min read
UMAKYAT sa P7.802 trilyon ang utang ng Pilipinas noong Marso ayon sa Bureau of Treasury.
Mas mataas ito ng 13.4 percent kumpara sa P6.879 trilyon sa kaparehong buwan noong 2018.
Ang utang ng bansa noong Marso ay mas malaki rin ng P350 bilyon kumpara noong Pebrero at P510 bilyon na mas malaki noong December 2018.
Ayon sa BTr, ang paglobo ng domestic debt ay dahil sa mas dumami ang utang ng gobyerno at humina pa ang piso kontra ibang salapi.
Nauna nang sinabi ng administrasyon noong Hulyo 2018 na uutang ito ng P1.19 trilyon para mapondohan ang 2019 National Budget kabilang na ang Build, Build, Build Program.
Comments