Mula raw nang ikasal, laging talo sa halalan | MAR, MINALAS KAY KORINA

NAAAWA ang ilang mamamayan kay dating In­terior Secretary at Otso Di­retso bet Mar Roxas dahil sa sinasapit nitong kapalaran sa politika.

Ito ay dahil dalawang beses nang tumakbo sa ma­taas na posisyon si Roxas ngunit, sa kasamaang-palad ay hindi nagwawagi.

Unang inasam ni Roxas ang pagiging bise-pre­sidente laban kay dating Vice-Pre­sident Jejomar Binay noong 2010, ngunit, natalo, ga­yun­din bilang maging pangulo noong 2016 elections kahit todo ang suporta sa kanya ng pama­halaan dahil sila ang nasa puwesto nito.

Kasabihan na ng Filipino na ang kamalasan ng isang tao ay tatlong magkaka­su­nod at sa Lunes, 2019 Mid­term Elections, umaasa ang kampo ng dating kalihim na maudlot ang ‘maalat’ na kapalaran nito.

Asam ng mga naniwala kay Mar na sana ay maka­pasok ito sa Magic 12 para makabalik sa Senado at ma­tapos na ang anila’y kama­lasan sa buhay-politika. Gayunman, ilan sa ma­pamahiin ang nagsabing dapat daw ay ipagpag muna ni Mar ang kanyang misis na si Korina Sanchez.

Ito umano ang naghatid ng kamalasan kay Mar mula nang ikasal sila noong 2009 ilang buwan bago ang 2010 Presidential Elections kung saan siya tinalo ni Binay.

Sa comment ng isang netizen sa Facebook, sinabi ni Len Cordero, “Nu’ng tumakbo si Mar, nagpaka­sal sila ni Korina. Ngayon tatakbo ulit, nagkaanak sila ni Korina. Congrats sa baby, pero no vote pa rin sa daddy.”

Kahit umano malaking personalidad si Korina sa media industry at epekti­bong mamamahayag, hindi ma­laman kung bakit hindi nito naipanalo ang kanyang esposo.

Kambal ang naging anak nina Mar at Korina na ina­asahang ang mga ito ang tutuldok sa anila’y mistulang ka­ma­lasan sa buhay-politika ng dating senador.