Hirit ng Simbahan | KORUP ‘WAG IBOTO

HINIKAYAT ng isang opisyal ng Simbahan ang mga botante na huwag iboto ang mga corrupt politician.

Ginawa ni Antipolo Bi­shop Francisco de Leon ang panawagan sa kanyang ho­miliya nitong Martes nang pangunahan ang pagdaraos ng banal na misa para sa solemnity ng Our Lady of Peace and Good Voyage sa Antipolo Cathedral.

Ayon kay De Leon, wa­lang aasahang pagbabago ang mga mamamayan kung patuloy nilang iboboto ang mga korup na pulitiko.

Giit ng arsobispo, ang korupsiyon ay nananatiling malaking problema ng bansa dahil patuloy na naihahalal sa posisyon ang mga korup na pulitiko.

Labis naman ang pag­kadismaya ni De Leon sa aniya’y mga traditional po­litician na sinasamantala ang mamamayan na han­dang magbenta ng kanilang boto kapalit ng kaunting halaga ng salapi.

Kaya nananawagan din ito sa mga botante na hu­wag ibenta ang kanilang boto dahil nangangahulu­gan ito ng pag­bebenta ng ka­nilang kon­sensiya at kredibi­lidad ng nasyon para sa pera.