EXCITED NA ANG UST GOLDEN TIGRESSES SA WOMEN’S FINALS

HINDI matapus-tapos ang pagdiriwang ng Uni­versity of Santo Tomas (UST) Golden Tigresses at ng kanilang fans dahil magpahanggang ngayon ay tuwang-tuwa sila nang tuldukan na ang 8 taon na pagkakatigang nila sa finals sa UAAP ’81 wo­men’s volleyball noong Linggo.

Sa pamumuno ni roo­kie ace Eya Laure at team captain Sisi Rondina na nagsilbing sandata nila sa pangmalakasang bakba­kan, pinatalsik ng Tigres­ses ang three-time defen­ding champion De La Salle University sa 5-set thriller at makatutuntong na sila sa finals berth sa UAAP Sea­son ’81.

Naghihintay pa sa nga­yon ang Tigresses para sa kanilang makakalaban sa best-of-3 championship series habang nakapu­wer­sa naman ang fourth-see­ded Far Eastern University (FEU) ng do-or-die game laban sa top-seeded Ate­neo de Manila University para sa isa pang finals ticket.

Niliwanag ni UST head coach Kung Fu Reyes noong Linggo na wala si­lang pinipiling kasagupa.

Ang Tigresses na rin ang siyang hinihinalang unang sasalang sa finals habang nag-aagawan pa ang FEU at Ateneo sa finals berth.

Nagkahiwalay ng lan­das ang UST at FEU sa eli­mination round meetings. Humatak ang Lady Tama­raws ng 19-25, 25-20, 25-19, 27-25 triumph sa first round, pero nakabawi ang Tigresses nang walisin nila ang second round mee­ting, 25-23, 25-18, 25-23. Hindi pa natatalo ng UST ang Ateneo mula sa second round ng UAAP Season 74. (VA/MC)