Senado, magagamit na naman sa kadramahan, tsk-tsk-tsk

KA AMBO / BISTADO

MAY umangkin na sa identity ni “Bikoy”.

Paano kung may “isa” pang “Bikoy” na lumutang?

◘◘◘

HINDI lahat ng umaamin sa kasalanan ay totoong gumawa ng krimen.

Kailangang patunayan ng “claimant” na siya talaga si “Bikoy”!

◘◘◘

SA aktuwal, tipong “narrator” o “message reader” lang ang nagpa­kilalang si “Bikoy”.

Ibig sabihin, binasa lang niya ang “isang mensahe”!

◘◘◘

MAY dalawang “actor” sa “Bikoy” video clip.

Isang nakatalukbong at isang nag-voice over.

Sino ang nag-voice over na ang “boses” ay pang-DJ?

◘◘◘

MALINAW kung gayun na “scripted” ang “Bikoy” video clip.

At ang sumuko ay simpleng “actor”.

Kung guilty ang “message reader”, at website owner, dapat guilty din ang “nag-voice over”!

◘◘◘

MARAMI ang nagtatanong: Magkano ang ibinabayad sa mga “actor”?

Milyones ‘yan.

Kumbaga, “risk” ang binayaran dito.

Milyones ang katapat ng “seguridad” ng actor!

◘◘◘

ITUTULOY ang drama ni “Bikoy” sa Senado, ang bagong tradisyunal na lugar ng “zarzuela”.

Ang Senado ay naging entablado rin ng mga naunang actor na sina Matobato at Lascanas!

◘◘◘

NASAAN na sina Matobato at Lascanas?

First hand information ang “ibinenta” nina Matobato at Lascanas, pero walang talab ito kontra kay P-Digong.

Dapat pa bang patulan ang isang “Bikoy”?