Binata, nagbigti gamit ang sintas, dedbol

TINAPOS ng 23-anyos na lalaki ang kanyang buhay sa pamamagitan ng pag­bibigti gamit ang mga sintas ng sa­patos sa Lungsod ng Que­zon, kamaka­lawa ng hapon.

Kinilala ang nasawi na si Gerald Su­mingin Ham­merslo, construction wor­ker, residente ng Visayas Avenue, Bgy. Culiat, Quezon City.

Batay sa paunang pagsi­siyasat ni Po­lice Staff Ser­geant George Caculba ng Quezon City Police District (QCPD), natagpuang naka­bigti ang lalaki sa loob ng banyo ng kanilang bahay.

Ayon sa kapatid ng bik­tima na si George, nagma­madali siyang magtungo sa kanilang palikuran dahil sa tawag ng kalikasan ngunit, nabulaga na lang siya sa nakabigting katawan ng ka­patid.

Agad humingi ng sak­lolo si George sa kanilang mga kapitbahay at nang ma­ibaba ang katawan ng na­kabigting ka­patid ay isinu­god pa nila ito sa Quezon City General Hospital ng­unit, hindi na rin ito umabot nang buhay.

Patuloy nang sinisiyasat ng mga aw­to­ridad ang in­sidente.