ANG TAMIS NG TAGUMPAY PARA SA BLAZE NI REYES

“SWEET triumph!” Ito ang sinabi ni Mika Reyes ng newly crowned Philippine Superliga Grand Prix champion Petron Blaze sa una niyang pag-guest sa PSA Sports Forum kasama ang kanyang mga teammates at ni coach Shaq de los Santos at naibahagi ng 24-anyos na taga-Pulilan, Bulacan ang kanilang pinagdaanan bago nakuha ang coveted crown kontra F-2 Logistics Cargo Movers. “Product of hard work. Nagsama-sama at nagtulong-tulong kami para manalo at salamat hindi kami nabigo,” wika ng beteranang 6-1 na si Reyes na naglaro sa tatlong All-Filipino Cup at dalawang Grand Prix.

Tinalo ng lumalagablab na Petron Blaze ang F2 Logistics sa 2-1 sa best-of-three title series na ginawa sa Fil-Oil Flying V Centre sa San Juan. Natalo ang Petron Blaze sa Game 1, subalit bumalik na full tank ang mga manlalaro ni coach Shaq de los Santos na ginapi ang F-2 Logistics sa Game 2 at 3 tungo sa pagsungkit ng titulo.

Down 0-1, matapang at buong tatag na bumalik ang Petron at kinuha ang dalawang laro sa best-of-three finals at sinungkit ang titulo sa come-from-behind fashion. Sinabi ni coach Shaq de Los Santos na bago mag-umpisa ang laro ay mayroon siyang kutob na mananalo sila dahil may tiwala siya sa kanyang mga players at hindi siya nabigo. “I candidly admit F-2 Logistics is strong and has the edge tao-sa-tao. I have trust and confidence to my players can do it and I’m glad, they did it in style,” wika ni de los Santos.

“Hard work, dedication, aspiration, determination and the will to win carried us to victory. I couldn’t ask for more. We already achieved our goal,” sabi ng veteran ng coach ng FEU.