2 timbog sa bala at droga

DALAWANG hinihinalang sangkot sa iligal na droga kabilang ang bebot at construction worker na target ng ikinasang buy-bust buy-bust operation of firearms ammunition ang arestado sa Caloocan City, kamakalawa ng gabi.

Ayon kay NPD District Special Operation Unit (DSOU) PLt. Melito Pabon, alas-11:00 ng gabi nang ikasa ng mga operatiba ng DSOU, kasama ang Caloocan Police sa ilalim ng pamumuno ni P/ Col. Restituto Arcangel ang buy-bust operation of firearms ammunition sa pangunguna ni PSSgt. Dexter Magno kontra kay Alfredo Cruz alyas Andrew, 39, sa 2nd St., 3rd Ave., Bgy. 118.

Matapos iabot ni Cruz ang anim na bala ng 12 gauge shotgun sa undercover police poseur-buyer kapalit ng P200 marked money, agad itong sinunggaban ng mga operatiba.

Timbog din si Mendy de Jesus, 32, matapos pakitaan at alukin ng shabu ang mga operatiba.

Narekober kay Cruz ang sachet ng shabu at buy-bust money habang nakumpiska naman kay De Jesus ang tatlong sachets na naglalaman ng hinihinalang shabu.