OBIENA, MAHIGPIT NA ANG PAGHAHANDA PARA SA SEAG

UMIIGTING na ang paghahanda para sa na­lalapit na SEAG ng Pinoy pole vaulter na si Ernest John Obiena matapos itong sumabak sa world-class competition at ka­muntik nang umabot sa podium ng World Classic International Amateur Athletic Federation (IAAF) Diamond League sa Kha­lifa International Stadium sa Doha, Qatar.

Nagsimula ang sagu­pa­an sa pole vault na nasa pangwalong seedings lang ang Pinoy. Nasa ha­rapan niya at mas pina­paborang mangibabaw sina Brazilian Thiago Braz (may personal best na 6.03 m), Sam Kendricks ng USA (6.0m), Polish gem Piotr Lisek (5.94 m), Konstantinos Filippidis ng Greece (5.91m), ang Amerikanong si Andrew Irwin (5.80), Frenchman Stanley Joseph (5.75 m) at ang Hapones na si Seito Yamamoto (5.75m).

Pero sa dulo ng kom­petisyon, pumang-apat ang Pinoy kasosyo ang pambato ng Poland na si Lisek dahil sa inirehistro nilang 5.46m.

Inokupahan nina Ken­dricks (5.80 m), Braz (5.71m) at Yamamoto (5.61.m) ang mga upuan sa podium.

Si Obiena ay mayroon nang limang puntos pag­ka­tapos ng una sa anim na yugtong Diamond Lea­gue kagaya ni Lisek sa­man­talang sina Ken­dricks, Braz at Yamamoto ay may 8, 7 at 6 na puntos ayon sa pagkakasunod-sunod.

Matatandaang noon lang nakaraang buwan, winakasan ni Obiena ang tagtuyot ng bansa sa Asian athletics nang ma­kuha niya ang ginto sa pole vault ng Asian Athletics Championships sa Doha, Qatar.

Tinalo niya ang da­lawa sa mga paboritong Intsik na sina Zhang Wei at Huang Bokai.

Malinis na nalagpasan ng 23-anyos na Pinoy ang 5.71 metrong puwesto ng bar para irehistro ang ba­gong tournament re­cord.

Nauna rito, nalagpa­san niya ang 5.41 m. (da­lawang talon), 5.51m (isang talon), 5.56 m (tatlong talon) at 5.61 m (tatlong talon) bago su­mablay sa unang hirit sa 5.66 m. Dito na siya nagdesisyong asintahin ang 5.71 m.

Taong 1993 pa nang maiposte ni Kazakh Gri­goriy Yegorov ang dating marka at ito ay nangyari sa Manila. Sa pagkuha ng ginto, nasundan ang gold medal performance ng Pinay na si Maristella Tor­res sa long jump may sam­pung taon na ang nakara­raan.