Nag-swimming, tinangay ng alon | 4 TITSER NALUNOD

PATULOY ang pagha­ha­nap sa da­lawa sa apat na mga guro na pinanini­walaang nalunod sa Laoang Island, Laoang, Northern Samar.

Batay sa ulat, narekober na ang dalawang bangkay ng dalawang guro na kini­lalang sina Artemio Mejos at James Dulay na kapwa guro at residente sa naturang bayan.

Patuloy naman ang search and rescue operations para kina Reynaldo Adora at Leo­nard Adarayan.

Sa panayam kay Police Lt. Col. Rafael Tayaban, nag­karoon ng picnic ang na­turang mga biktima at ha­bang naliligo ang mga ito sa dagat ay biglang lu­makas ang alon na naging sanhi ng pag­kalunod ng mga ito. (BRT)