Mayor, tinuluyan sa environmental fee

IPINAGHARAP ng kasong katiwalian at pagla­bag sa Philippine Mining Act sa Ombudsman ang alkalde ng Lian, Batangas kaugnay sa umano’y pakikipagsab­watan sa ilang korporasyon upang masalaula ang kanilang kalikasan.

Sa pitong pahinang rek­lamo, nais ng complainant na si Dennis Ilagan na pata­wan ng preventive suspen­sion at masampahan ng ka­song kriminal si Mayor Isa­gani Bolompo kasama si Exequiel Robles, pangulo ng Sta. Lucia Land Incorporated.

Ipinagharap din ang alkalde ng kasong paglabag sa Code of Conduct of Go­vernment Employees.

May kinalaman ito sa pagbibigay umano ni Bo­lompo ng developmental per­mit ang korporasyon sa proyekto nito sa bayan ng Lian kahit wala umanong environmental clearance certificate mula sa Depart­ment of Environment and Natural Resources (DENR), gayundin ng mga certifica­tion mula sa Department of Agrarian Reform at Housing and Land Use and Regula­tory Board (HLURB).

Nauna nang nagpalabas ang DENR ng cease and de­sist order laban sa anumang development na magdudu­lot ng pagkasira ng bundok at polusyon sa karagatan.

Sa kabila ng kautusan ng DENR, nagpatuloy naman ang operasyon ng illegal mi­ning o quarrying sa 84 hec­tares ng lupain sa Bgy. Ma­tabungkay.

Nahaharap din umano si Bolompo sa kasong mal­ver­sation of public funds dahil pangongolekta ng en­viron­mental users fee. “Parang toll fee dahil ang sinumang papasok sa Matabungkay kahit hindi naman pupunta sa beach at may bibilhin lamang sa tin­dahan ay hihingan agad ngP25 para raw sa environ­mental fee,” ani Ilagan.