Depressed, binu-bully, gustong mag-suicide etc. — DOH | HOTLINE PARA SA MGA PROBLEMADO

BINUKSAN na ng De­partment of Health (DOH) ang national crisis hotline na layong tulungan ang mga taong may problema sa mental health.

Layon nitong mabigyan ng counseling ang may psy­chiatric emergencies at ma­pigilan ang mga insidente ng suicide.

Ayon kay Health Sec­retary Francisco Duque III, ang crisis hotline ay pangu­ngunahan ng National Center for Mental Health (NCMH), na may mga tauhang sinanay sa ta­mang paghawak ng mga ganu’ng uri ng sitwasyon 24/7.

Maaaring tumawag sa hotline na 0917-899-USAP (8727) o 0917-989-8727. Sinabi ni Duque na nais nilang iparating sa mga ta­ong may mental health prob­lem na hindi sila nag-iisa at mayroon pang pag-asa. Ayon naman kay NCMH officer-in-charge (OIC) Allan Baquir, ang ino­-offer ng hotline ay assistance sa mga caller na nakarara­nas ng depression, suicidal thoughts, substance abuse adiksiyon at iba pang mental health concerns. Maaari ring tumawag sa hotline ang mga nanga­ngailangan ng men­tal health assistance tungkol sa gender identity at sexual orientation, school at career, domestic abuse, sexual abuse at iba pa.