Panelo, ang Presidential Spokesperson na palaging walang alam, period!
SA MGA NAGING PRESIDENTIAL SPOKESMAN, SI PANELO LANG ANG WALANG ALAM SA GINAGAWA NG GOBYERNO — Nang tanungin ng mga mamamahayag si Presidential Spokesman Salvador Panelo kung bakit sobrang laki ng P10 milyong reward na ipinatong ng Duerte gov’t. sa ulo ni ex-police Col. Eduardo Acierto, ang dating drug enforcer na nagbulgar na drug lord umano ang economic adviser ni P-Duterte na si Michael Yang, ang tugon ni Panelo ay hindi raw niya alam na may ganyan kalaking halaga na ipinalabas ang Malacañang para madakip si ex-Col. Acierto.
Hay naku, sa lahat ng mga naging presidential spokesman, eh, si Panelo lang ang walang alam sa mga pinaggagagawa ng pinaglilingkuran nitong gobyerno, pwe!
◘◘◘
IMBES NA PAGBAWALAN SI CARDEMA NA IKAMPANYA ANG PARTYLIST NG KANYANG MISIS, ANG GINAWA NI P-DUTERTE INENDORSO PA! — Imbes na pagsabihan at pagbawalan ni P-Duterte si National Youth Commission (NYC) Chairman Ronald Cardema na huwag nitong gamitin ang kanyang tanggapan para ikampanya ang partylist ng kanyang misis, eh, ang ginagawa pa ng pangulo ay inendorso pa ang partylist ng misis ni Cardema.
Ngayong mga kababayan, kayo na ang bahalang humusga kung anong klaseng gobyerno mayroon ngayon ang Pilipinas, period!
◘◘◘
HOBBY NG DUTERTE GOV’T., MAGTAAS NG PRESYO NG MGA BILIHIN AT BAYARIN SA SERBISYO — Simula ngayong araw (May 4, 2019), tataas na ang presyo ng sardinas.
Nitong nakalipas na buwan, tumaas ang toll fee, kamakalawa, tumaas ang presyo ng mga produktong petrolyo at ngayon, taas-presyo na rin ang instant noodles at sardinas.
Sa lahat ng naging gobyerno, Duterte gov’t. lang ang may hobby na magtaas nang magtaas ng presyo ng mga bilihin at bayarin, buwisit!
◘◘◘
TULOY ANG BENTAHAN NG SHABU SA SAKLAAN NI “WALTER” SA MUNTINLUPA CITY — Hanggang ngayon daw ay tuloy pa rin ang bentahan ng shabu sa puwesto ng mga saklaan ni “Walter” sa Muntinlupa City.
O, ano, Mayor Jaime Fresnedi, “nganga” ka na lang ba? Aba, aksiyon na, ipadakma mo na si “Walter,” dali!
Comments