Comelec, dapat may direktang gabay laban sa vote-buying, hindi puro babala
INILABAS na ang resulta ng Bar examinations.
Dumami na naman ang mga “lehitimong sinungaling”!
◘◘◘
NAGBABALA ang Comelec kontra sa vote-buying.
Isang inutil na babala!
◘◘◘
DAPAT maglabas ng opisyal na gabay o direktiba ang Comelec kung ano ang gagawing hakbang sa pagkontra sa vote-buying.
Halimbawa, kunan ng picture ang salapi at ang tumanggap.
Ebidensiya ‘yan na imposibleng magawa!
◘◘◘
Ang lahat ng reklamo ay dapat may kasamang malinaw na ebidensiya.
Ang reklamong walang ebidensiya ay alegasyon lamang kaya tiyak na idi-dismissed din 'yan ng Comelec!
◘◘◘
DAPAT maglabas ang Comelec kung paano idodokumento ang vote-buying.
Walang inilalabas ang Comelec para gabayan ang mga magrereklamo!
◘◘◘
PAANO makakukuha ng ebidensiya kontra sa vote-buying?
Isang tanong ‘yan na dapat sagutin ng Comelec!
◘◘◘
HINDI sapat na huhulihin, kakasuhan o ididiskuwalipika ang mga namimili ng boto.
Pambobola lang ‘yan ng Comelec.
Kahinaan ‘yan ng kukote ng mga komisyuner!
◘◘◘
KAILANGAN munang tukuyin ng Comelec kung anu-ano ang anyo ng “vote-buying”.
Halimbawa, ang libreng pakain, inumin o regalong gadgets tulad ng t-shirt, ballpen at iba pa ay dapat ituring na isang klase ng vote-buying.
Paano ididikit o kakasuhan ang kandidato kung ang namimigay ng “regalo o cash” ay ang mga ayudante ng kandidato?
◘◘◘
KAILANGAN ang tinatawag na “direct evidence” kung saan kailangan patunayan na ang mismong kandidato ang namigay o nag-abot ng cash o regalo sa botante?
Imposibleng ebidensiya ‘yan.
Walang makakukuha ng ganyang ebidensiya.
Ibig sabihin, ang Comelec ang mismong inutil!
Comments