2 tulak tigok sa pulis

DALAWA umanong pinaghihinalaang tulak ng iligal na droga ang napatay ng mga awtoridad matapos makipagbarilan sa Bgy. District 1, Balayan, Batangas.

Sa ulat ni PCol. Edwin Quilates, sinalakay nila ang bahay ng mga suspek na sina Gerry Alaer, Castillejos, 44, may asawa, negosyante at Ulyses Pantoja, 39.

Papasok pa lamang ang tropa ng pulisya upang ihain ang search warrant at sa halip na isuko ang mga sarili, agad umano silang nagpaputok ng baril.

Gumanti ang mga awtoridad na nauwi sa pagkamatay ng dalawa.

Narekober sa crime scene ang mga baril, bala at ilang sachets ng hinihinalang shabu at mga drug paraphernalia.