'Last minute attack'ng mga kandidato, inaabangan na

KA AMBO / BISTADO

IKINABABAHALA ang pagdami ng mga Chinese sa bansa.

Ang isyung ‘yan ay panahon pa ni Limahong!

◘◘◘

INIISA-ISA na ang mga tropa ni “Bikoy”.

Hala, nadale kayo!

◘◘◘

UMATRAS na si Rep. Rudy Fariñas sa pagka-gobernador ng Ilocos Norte.

Wala nang kalaban ang anak ni Madame Imee na si Matthew Manotoc!

◘◘◘

ANG pag-atras ni Fariñas ay papabor sa kandidatura ni Gov. Imee.

Malaking “peak” ito at pagpapataas ng moral ng Pamilya Marcos!

◘◘◘

SA aktuwal, hindi nawawala sa Magic 12 si Gov. Imee sa lahat ng senatorial survey.

Imbes na bumaba, umaangat pa siya sa huling 10 araw ng kampanya!

◘◘◘

KUNG susuriin, higit na epektibo ang kampanya ni Gov. Imee kaysa sa diskarte ng kampanya ng kanyang kapatid na si dating Sen. “Bongbong” Marcos nang ku­mandidato sa Senado.

Malamang, mas masipag at madiskarte ang kanyang team!

◘◘◘

Sa Maynila, hinihintay ng mga botante ang “last minute attack” ni Pareng “Erap”.

Kapag hindi siya magpapakita ng “kakaiba” sa huling 10 araw, masama ang ending ng kanyang political career!

◘◘◘

DAPAT pinaghahandaan na ang malakas na lindol na binansagang “the big one”.

Pero, ngakngak lang ang kanilang preparasyon!

◘◘◘

PAANO raw ito dapat pinaghahandaan?

Aba, tularan natin ang nakaraan, gumawa tayo ng dambuhalang arko para sa pambihirang tsunami!

◘◘◘

PAGHANDAAN din dapat ang pagbagsak ng dambuhalang asteroid.

Lindol at malaking baha ang mararanasan dito!