Intel report na pinopondohan ng bilyun-bilyong piso, sa FB at text lang kinukuha?!

PABLO L. HERNANDEZ III / PRANGKAHAN

BILYUN-BILYON ANG INTEL FUND NI P-DUTERTE, PERO INTEL REPORT, SA FACE­BOOK AT TEXT LANG KINU­KUHA —Dahil sa kapipilit ng media kay Presidential Spokesman Salvador Panelo kung kanino nagmula ang matrix ng “Oust Duterte Move­ment” na kinasasangku­tan daw ng mga journalist at abogado, napilitan ang Presidential Spokes­man na aminin na ang “matrix” ay nagmula sa “text messages” sa kanya ng hindi kilalang tao.

Pambihira, bilyun-bilyon ang intelligence fund ni P-Duterte tapos kung hindi sa post sa facebook, eh, sa text message sila kumukuha ng intel report, buwisit!

◘◘◘

OFWs SA LIB­YA, HANDANG MA­MA­TAY SA GI­YE­RA, HUWAG LANG SA GUTOM —Sa kabila ng pa­na­wa­gan ng Duterte government sa mga OFW sa Libya na umuwi na sa Pili­pinas upang hindi malagay sa pa­nganib ang ka­nilang buhay sa civil war na nagaganap nga­yon sa bansang ito, hindi natinag ang mga OFW at ayaw pa rin umuwi ng mga ito sa Pilipinas.

‘Ika siguro ng mga OFW, hindi baleng mamatay sa civil war, huwag lang mama­matay sa gutom sa Pilipinas, period!

◘◘◘

MGA RAKET NI “TITA”, SA CALAM­BA CITY—Bukod sa video karera, may raket na rin daw na bookies at lotteng si “Tita” sa Calamba City, Laguna.

Kung totoo ito, sobrang dami na pala ang raket ng iliga­listang ito sa jurisdiction ni Mayor Timmy Chipeco, buwisit!