2 bebot niratrat, todas

KAPWA may mga tama ng bala ng baril sa iba’t ibang bahagi ng katawan ang dalawang babae na natagpuang walang buhay, kahapon ng madaling-araw sa Baseco Compound, Port Area, Manila.

Kinilala ni PMSg. Julius San Pedro ang mga biktima na sina Almira Patata at isang Reynalyn, na bisita umano ni Patata.

Alas-4:00 ng madaling-araw nang matagpuan ang bangkay ng dalawang biktima sa isang bahay sa Blk.15, Baseco Compound, Port Area.

Ayon sa barangay tanod na si Mariel Ramirez, kararating lamang umano ng dalawa sa lugar nang mangyari ang pamamaril.

Inaalam na ng pulisya ang pagkakakilanlan ng gunman at posibleng motibo sa pagpaslang sa dalawa.