Parak pinagbabaril ng riding-in-tandem

NAPATAY ng hindi pa tukoy na gunman ang isang pulis sa pananambang sa Lungsod ng Toledo, kahapon ng umaga.

Tatlong tama ng bala ng baril sa ulo at katawan ang tinamo ni Police Master Ser­geant Junard Cinco, 38, re­sidente ng Bgy. Lutopan at nakatalaga sa Provincial Drug Enforcement Unit (PDEU) ng Cebu Provincial Police Office (CPPO).

Batay sa inisyal na im­bestigasyon, alas-10:30 ng umaga nang mangyari ang pamamaril sa pulis sa Bgy. Media Once.

Patungo sa Bgy. Pobla­cion si Cinco sakay ng kan­yang motorsiklo kasama ang asawa nito nang buntu­tan ng riding-in-tandem at pag­ba­barilin.

Ayon kay Police Captain Alejandro Batobalonos, po­sible umanong may kinala­man sa trabaho ng biktima bilang ahente ng anti-drug unit ang motibo sa pagpa­tay.