KHAN AT TURKISH, BABANAT SA SEMIS NG ONE CHAMPIONSHIP

INANUNSIYO ng pi­nakamalaking global sports media property sa kasay­sayan ng Asya, ang ONE Championship™ (ONE), na itatampok sina dating ONE World Title challenger Amir Khan ng Singapore na mag­sasagupa kontra Saygid Gu­seyn “Dagi” Arslanaliev ng Turkey sa semi-final round ng ONE Lightweight World Grand Prix sa ONE: Enter The Dragon na idaraos sa Biyernes, Mayo 17 sa Singapore Indoor Stadium.

Humalili ang 24-anyos na si Khan sa puwesto ng orihinal na kalaban ni Ars­lanaliev na si Ariel “Tarzan” Sexton ng Costa Rica na puwersahang nag-withdraw sa laban matapos dumanas ng injury sa training.

Naging bahagi ang Sin­gaporean Muay Thai Cham­pion at dating ONE World Title challenger, sa hanay ng ilan sa pinakamahuhusay na ONE Championship light­weight division, kabilang na sina dating ONE World Cham­­pions Eduard “Landslide” Folayang at Honorio “The Rock” Banario, maging ang top contenders na sina Ad­rian Pang at Timofey Nast­yukhin.

Sumagupa si Khan laban sa isa sa pinakamainit na lightweight contenders ngayon kay Arslanaliev ng Turkey.

Napatunayang malakas sa lahat ng pito niyang pa­nalo ay mula sa stoppage.

Dinomina ni Arslanaliev ang lahat ng challenges na kanyang hinarap sa kanyang batang career.

Nakasakay ang 24-anyos sa three-bout winning streak mula sa mga pana­long laban kina Tetsuya Yamada, Timofey Nastyuk­hin at nitong huli ay ang 25-second knockout ni dating ONE World Title challenger Ev Ting para umabanse sa ONE Lightweight World Grand Prix semi-final round.

Itinampok ng ONE: En­ter The Dragon sina newly-crowned ONE Lightweight World Champion Shinya “Tobikan Judan” Aoki ng Japan na nakatakdang depensahan ang titulo kontra rising star Christian “The Warrior” Lee ng Singapore.

Sa co-main event ng gabi, sasagupain ni Dutch kickboxing superstar Nieky “The Natural” Holzken ang kababayan na si Regian “The Immortal” Eersel para sa inaugural ONE Light­weight Kickboxing World Championship. (MC)