PARTIDA, NAKAPAA SI DELIMA, GOLD ULI SA PALARO ATHLETICS

DAVAO CITY-Kum­baga sa nobela ay parehong istorya lang ang laman sa mga karakter nina Leslie Delima ng Bicol Region at bitter rival Camila Tubiano ng Northern Mindanao sa 3000m high school girls at muling tinalo si Tubiano sa climatic finished sa Palarong Pambansa na sinimulan na kahapon sa iba’t-ibang venues kung saan ang Davao Sports Complex ang main­hub.

Ang tanging naiba ay ang lugar kung saan unang tinalo ni Delima si Tubiano sa Vigan, Ilocos Sur noong 2018 at ngayon sa Davao kung saan naging alkalde si Pa­ngulong Rodrigo Roa Du­terte ng mahigit dalawang dekada.

Dumating si Pres. Du­terte galing sa official visit sa China at tumuloy sa Davao noong Linggo sakto sa opening ceremony na sinaksihan nina Philippine Sports Commission Chairman William Ramirez at local officials sa pangunguna ni presidential daughter Mayor Sara Duter­te.

Tinalo ni Delima si Tubi­ano sa huling 200 meters ng 3000 meters sa oras na 10 minutes at 22.42.

Suot ang blue, white at red uniform na may tatak na “Team Vulcans” hinango sa pamosong symmetrical cone na Mount Mayon at sa ikat­long pagkakataon ay tumak­bong nakapaa, impre­sibo ang performance ni De­lima sa pagtakbo at pahabaan ng resistensiya para maging un­disputed “queen” of 3000m sa Palaro at mag­wagi sa regional meet na ginawa sa Masbate.

Sumu­nod na pangatlo kay Tubia­no si Lovely Cor­dovilla ng Central Luzon sa 10:38.82.

Hindi man nahigitan ang kanyang personal best, 10:06 at Philippine record, 10:09.00 ni Rosalinda Catu­long, gumawa naman si Deli­ma ng kasaysayan bilang unang runner na nanalo ng tatlong sunod sa 3000m sa loob ng 71 taon nang umpisa­han ang Palarong Pambansa noong 1948 sa Manila taglay ang orihinal na pangalang Bureau of Public Schools Interscholastic Athletic Meet.

Nang tanungin kung bakit ayaw niyang gumamit ng running shoes, sagot ni Delima, “mas komportable akong tumakbong nakapaa kaysa may running shoes.” Tatanggap si Delima, anak ng magsasaka ng P20,000 bilang pabuya galing kay Regional Director Gilbert T. Sadsad. Balak kunin ni UST athletic coach Manny Cali­pes si Delima matapos mag­laro sa kanyang rehiyon. “She is the kind of athlete I am looking for. She’s only 14 years old and four years to play for her region. Marami pang pahihi­rapan si Delima sa apat na taong paglalaro sa Palarong Pam­bansa.”