UST 1 PAIR: BARBON AT ESLAPOR NAGKAMPEON SA BVR ON TOUR

BUMANGON buhat sa pagsadsad nila sa first set ang University of Santo To­mas 1 pair nina Babylove Bar­bon at Gen Eslapor upang maigupo ang Perlas duo nina Bea Tan at Dij Rodriguez, 17-21, 21-14, 15-12, at nakamit ang women’s crown ng BVR On Tour: Du­maguete Open noong Saba­do ng gabi sa Rizal Boule­vard sand court sa Duma­guete City.

Pagkaraang magbigay ng tatlong match points, na i-de­liver ni Barbon ang cham­pionship-clinching drop shot para kumpletuhin din ang 5-0 sweep nila ng leg ni Eslapor sa harap ng mga vol­leyball fans na dumagsa sa venue.

Para naman sa naitak­dang all-Air Force men’s final, na­ngibabaw ang pareha nina Ranran Abdilla at Jessie Lopez para sa kanilang ikat­long sunod na leg title, 21-13, 21-14, laban kina Mike Abria at Jade Becaldo.

Ito ang unang titulo ni Barbon sa BVR on Tour ka­sunod ng nauna niyang titulo katambal si Sisi Rondina sa nakaraang Manila Open noong Agosto (2018) bago sila nagkampeon muli ni Rondina sa UAAP noong Set­yembre.

Ang ika-4 na BVR on Tour leg ay idaraos sa Capi­tol Beachfront sa Lingayen, Pan­gasinan bilang bahagi ng taunang Pistay Dayat.

Naunang tinalo nina Barbon at Eslapor, 21-16, 21-13, ang University of Ne­gros Occidental-Recoletos duo nina Erjane Magdato at Alexa Polidario sa semifi­nals habang ginapi naman nina Tan at Rodriguez ang Smash Bacolod twosome nina Bianca Lizares at Jennifer Cosas, 21-14, 21-13. (VA)