Pagpapatayo ng mataas na gusali malapit sa paliparan
- BULGAR
- Apr 29, 2019
- 2 min read
Dear Chief Acosta,
Pinagbawalan ng Civil Aviation Authority of the Philippines (CAAP) ang aming construction firm na magtayo ng mataas na gusali malapit sa airport. Nais kong malaman kung maaari ba nilang pagbawalan ang pagtayo nito? — Kendrick
Dear Kendrick,
Para sa inyong kaalaman, ang batas na sumasaklaw sa inyong katanungan ay ang Section 76 ng Republic Act No. 9497 na mas kilala bilang “Civil Aviation Authority Act of 2008” kung saan nakasaad:
“SEC. 76. Regulation of Building Heights. — The Board shall have the power to regulate the height of buildings, towers, antennae, and other edifices, situated within the vicinity of or in close proximity to airports estimated to endanger the flight of aircrafts. It shall also have the power to prohibit or regulate the establishment and operations of electrical, electronics, sound, magnetic, laser, or other electronic gadgets, equipment or installations which will tend to interfere with or impair air navigation in accordance with the international standards and recommended practices on airports, as recommended by the ICAO.”
Ayon sa nasabing batas, may kapangyarihan ang Board ng Civil Aviation Authority of the Philippines (CAAP) na mag-regulate ng taas ng mga gusali, tower, antennae at ibang mga imprastruktura na pumapalibot o malapit sa mga airport na tinatayang mapanganib sa paglipad ng mga sasakyang panghimpapawid. Sa inyong sitwasyon, maaaring pagbawalan ng Board ng CAAP ang pagtayo ng mataas na gusali malapit sa airport kung tinatayang magiging mapanganib ang pagtayo nito sa paglipad ng mga sasakyang panghimpapawid.
Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.
Maraming salamat sa patuloy ninyong pagtitiwala.
Comments