RECHARGING STAGE NG BEERMEN, PARA SA PERFECT FINAL GAME

“WE will spend few hours of our rest days recharging and refining our game to perfection in preparation for the tough fight ahead because our mission is to retain the Philippine Cup title.”

Sinabi ito ni coach Leo Austria matapos kunin ang unang final seat kontra Phoenix Fuel Masters sa kartadang 4-1 kasama ang game-clinching 105-94, kung saan limang manlalaro ang tumipa ng double figures sa pangunguna ni Chris Ross na nagtala ng 24 points kasama ang limang tres at apat na assists at si 6 time seeking MVP June Mar Fajardo ay umiskor ng 17 points, 16 rebounds at tatlong assists.

“Of course, we will make some adjustment and correct our lapses as precautionary measure because the final is another brand new game and much tougher and harder. We have to be prepared physically and mentally to accomplish our mission,” wika ng 61-year old veteran bench tactician.

Nang ipaalam sa kanya ng reporter na ito ang old bad habit ng kanyang mga bata na laging nagre-relax kapag malaki na ang lamang, sagot ni Austria

“That’s really my main concern. We have to eliminate the old bad habit.”

Lumamang ang SMB ng mahigit 20 points at nag-relax kaya nakahabol ang Phoenix at lumapit ng apat na puntos sa huling 4 na minuto sa mga shots nina Filipino-Canadian Matthew Wright, Justin Chua at LA Revilla. Mabuti na lang nakabalik at biglang nagising ang Beermen sa pagka-idlip, naisalba ang laro at kinuha ang unang final seat.

Sa kabila ng pinapaboran na manalo kahit sino ang makakalaban sa finals dahil malakas, may cham­pionship experience at certified achiever, ayaw pa ring maniwala ni Austria at aniya hindi puwedeng magkumpiyansa sa sinasabi ng kanilang fans.

“Bilang coach at dating player hindi ako naniniwala diyan dahil maraming nangyayaring hindi inaasahan sa basketball. Nangyari sa amin ‘yan noong matalo kami sa Columbian Dyip. Ayaw kong mangyari uli sa amin sa finals. Sabi ko sa players ko na laging ilagay sa puso ang paglalaro kahit sino ang kalaban para masiguro ang panalo. That is our primary concern everytime we enter the basketball court.”