PVL GRAND FANS DAY VOLLEY STARS, NASILAYAN

BINIGYANG oras at importansiya ng mga pinakamalaking pangalan sa women’s volleyball ng Pilipinas sa pangunguna nina Alyssa Valdez, Michele Gumabao, Myla Pablo, Stephanie Mercado at Jo­velyn Gonzaga ang kani­lang mga taga-su­porta sa ginanap na S+A Volleyball Grand Fans Day noong Huwebes sa TriNoma Activity Center.

Nakipagbatian, pumir­ma ng autograph, nagpa­kuha ng litrato at nakipag­laro sa fans ang mga man­lalaro mula sa Creamline Cool Smashers, Petro Gazz Angels, BaliPure Purest Water Defenders, BanKo Perlas Spikers, Motolite, at Pacifictown Army Lady Troopers na malapit nang sumabak sa 2019 Premier Volleyball League (PVL) Reinforced Conference na magsisimula sa ABS-CBN S+A, LIGA sa Mayo 26.

Daan-daang fans ang nag-rehistro sa ktx.abs-cbn.com para sa meet and greet, samantalang ang iba ay naibida pa ang ka­nilang pagsayaw at pag­hugot kasama ng mga atletang tulad nina Dzi Gervacio, Mae Tajima, Cherry Nunag, Fhem Emnas, Jeanette Panaga, Risa Sato, Jia Morado, at Jema Galanza, na pina­sigaw ang fans sa kan­yang bersyon ng “Dala­gang Pilipina” challenge.

Mistulang super­mo­del din ang mga volleyball star, kabilang sa mga ru­mampa sina Valdez, Pau Soriano, Pablo, Jellie Tem­piatura, Nunag, Cai Baloa­loa, Gervacio, Tajima, Jeannie De Los Reyes, Jem Nicole Gutierrez, Katrina Racelias at Sat­riani Espiritu.