Pumalag sa pulis | 4 TULAK, TODAS

UTAS ang apat na tulak ng iligal na droga matapos makipagbarilan sa mga pulis sa isinagawang buy-bust ope­ration sa Cabanatuan City, kahapon.

Nangyari ang engku­wentro sa Bgy. Bitas bago mag-alas-4:00 ng madaling-araw. Dead-on-the-spot sina Rizza Fer­nando, Paul Santos at dalawa pa nilang kasa­mahang lalaki na kasaluku­yan pang inaalam ang pag­kakakilanlan.

Batay sa report kay Po­lice Lt. Col. Ponciano Zafra, agad umanong pinaputukan ng mga suspek ang pulis na nag­panggap na buyer nang mahalatang alagad ng batas ang kanilang pinagbentahan ng shabu na nagkakahalagang P1,000.

Dito na gumanti ang mga back-up na mga operatiba ng Station Drug Enforcement Unit at napatay ang mga suspek.

Bukod sa mga baril, na­rekober din ang apat na ma­lalaking plastic at sampung maliliit na sachets ng shabu na nagkaka­halagang halos kalahating milyong piso.