Pilipinas at China, share sa langis sa Spratlys Island, weh?
MAGSOSOSYO ang Pilipinas at China sa oil exploration sa Spratlys Island.
Malaking debate ‘yan!
◘◘◘
HINDI na maiiwasan ang power at water crisis.
Nanangkupooo!
◘◘◘
INAAPURA ang libreng bakuna kontra tigdas.
Dapat lang!
◘◘◘
PINAKAEMOSYUNAL na tao raw ang mga Pinoy sa buong daigdig.
Kaya pala palaging mali ang desisyon ng mga botante!
◘◘◘
SA Pilipinas, hindi ang pinakamahuhusay na lider ang nagwawagi sa eleksiyon.
Ang nanalo sa halalan ay kung sino ang may pinakamaraming “dirty money” na nilustay sa kampanya!
◘◘◘
MAKAKAPAL ang mukha ng mga kandidato at botante.
Garapalan ang pamimili ng boto.
Garapalan din itong tinatanggap ng mga botante!
◘◘◘
KAPAG ang pinakakuwalipikado ay walang salapi, imposible itong magwagi sa eleksiyon.
Ibig sabihin, wa’ ‘wenta ang demokrasya!
◘◘◘
PERO, ang lahat ay may katapusan.
Sa U.S., tinalo ni Donald Trump ang mga pulitikong bulok!
◘◘◘
SA Ukraine, nagwagi ang komedyante laban sa beteranong pulitiko.
May protest-vote na tinatawag at ‘yan ay napakinabangan mismo ni P-Digong!
◘◘◘
SA totoo lang, dapat lang tanggapin ng mga botante ang salapi na ibinabayad ng mga pusakal na pulitiko.
Hindi naman malalaman o mabibisto ang pangalan ng kandidato na inyong ibinoto ngayong Mayo.
Pagkakataon na ninyong “lokohin” ang mga makakapal ang mukha!
◘◘◘
INUTIL ang Comelec na mapigil ang vote-buying.
Pinararami ang mga “watcher” at sila ang binibigyan ng bayad.
Tipong lehitimo ang vote-buying sa bansa!
◘◘◘
Sabagay, may pagkakataon na hindi rin tumatalab ang salapi.
Isang eksampol dito ang pagwawagi ni P-Digong!
Comments