P-Duterte, nag-astang “Mar Roxas” sa mga taga-Marawi City, linyahang “bahala kayo sa buhay n‘yo!”
P-DUTERTE, ALA-“MAR ROXAS” NA RIN — Nag-ala-“Mar Roxas” si P-Duterte. Noong matapos ang hagupit ng Bagyong Yolanda sa Leyte ay humingi ng dagliang-tulong ang noon ay alkalde ng Tacloban City na si ex-Mayor Alfred Romualdez kay ex-DILG Sec. Mar Roxas, pero ang naging tugon nito, “you’re a Romualdez and the president is an Aquino, bahala kayo sa buhay n’yo.”
Kaya natin nasabing nag-ala-“Mar Roxas” si P-Duterte kasi ang sabi ni P-Duterte, wala raw siyang planong gastusan ang nawasak na bahay at gusali sa Marawi City dulot ng pambobomba ng militar sa mga Maute-ISIS na kumubkob sa lungsod dahil negosyante at sangkot naman daw sa iligal na droga ang karamihan sa Maranao na kumbaga ay parang sinabihan din niya ang mga taga-Marawi nang “bahala na kayo sa buhay ninyo”, boom!
◘◘◘
PAGBABA NG INFLATION RATE, PROPAGANDA LANG!—Bumaba na raw ang inflation rate o presyo ng mga bilihin sa bansa, pero sa mga pamilihan, wala pa rin pagbabago ang mataas na presyo at pati ang dating presyo ng NFA rice na P27-P32 ay nawala na rin sa merkado. Nalaman lang ng publiko na propaganda lang na bumaba ang inflation rate kasi ang nagsabi pala niyan ay appointee ni P-Duterte na bagong boss sa Bangko Sentral ng Pilipinas (BSP) na si ex-Budget Sec. Benjamin Diokno, buwisit!
◘◘◘
KUNG TOTOONG IPINAPAPATAY NI P-DUTERTE ANG MAG-AMANG GARIN, BAD ‘YAN—Ibinulgar ng mag-amang Mayor Oscar Garin ng Guimbal, Iloilo at Iloilo Rep. Richard Garin na may nagbigay daw sa kanila ng ang impormasyong may utos daw si P-Duterte sa kapulisan na patayin sila. Kung totoo ito, bad ang utos na ‘yan ni P-Duterte kung may pagkakasala sa batas ang mag-amang Garin, dapat daanin ‘yan sa rule of law, kasuhan ang mag-ama at hayaan ang korte na magdesisyon kung ano ang ihahatol sa kanila at hindi basta na lang ipapapatay, period!
◘◘◘
‘BOY VALENZUELA’, BALIK-RAKET SA BUREAU OF CUSTOMS—Ang sangkot sa multi-billion peso missing container vans noong panahon ng Aquino gov’t. na si “Boy Valenzuela” ay balik-smuggling operation na naman daw sa Bureau of Customs. Dapat sa “Boy Valenzuela” na ito, nasa kulungan na, pero ang nangyayari, nakapanraraket na naman sa Bureau of Customs, buwisit!
Comments