Kapatid sinaklolohan | 15-ANYOS NALUNOD, DEDO

ISANG 15-anyos na da­lagita ang nasawi nang ma­lunod ito habang tinatang­kang sagipin ang kanyang nakababatang kapatid na nalulunod habang naliligo sa ilog sa Nabua, Camarines Sur.

Hindi na nagawang ma­sagip ang sarili sa pagkaka­lunod na si Cyrene Soriano kung saan ay narekober ang kanyang labi ilang metro ang layo mula sa pinangyarihan ng insidente.

Lumalabas sa report na bago ang pangyayari ay na­masyal umano si Cyrene ka­sama ang nakababatang kapatid at mga kaibigan sa ilog na hindi kalayuan sa kanilang bahay.

Naisalba pa umano ang buhay ng kanyang kapatid at isa pa nilang kasama mula sa pagkalunod subalit, sina­wimpalad naman itong hin­di nakaahon sa ilog.

Una umanong tinangay ang kapatid ni Cyrene at ka­ibigan ng malakas na agos ng ilog at napadako sa may ka­lalimang bahagi nito.

Dinala pa sa pinaka­ma­lapit na ospital si Cyrene pero, idineklarang itong dead-on-arrival.