Angat dam malapit na sa kritikal na lebel

PABABA nang pababa ang antas ng tubig sa Angat Dam na inaasahang aabot sa kritikal na water level nga­yong weekend.

Umabot na kahapon sa 180.73 meters ang lebel ng tubig sa dam, malapit na sa low level na 180 meters ka­hapon ng umaga.

Ayon kay Sevillo David, Jr., direktor ng National Wa­ter Resources Board (NWRB), posible ring bumaba hang­gang 173 meters ang tubig sa Angat Dam sa buwan ng Mayo.

Gayunman, nilinaw ni David na ang critical level ay para lang sa irigasyon at hin­di sa tubig na ginagamit sa mga kabahayan sa Metro Manila.

Samantala, nabawasan din ang antas ng tubig sa Ambuklao, San Roque, Pan­tabangan at Caliraya Dams.

Nananatili naman sa 68.48 meters ang taas ng tubig sa La Mesa Dam ha­bang ang Ipo Dam ay may­roong water level na 100.99 meters. Tumaas naman ang tubig sa Binga at Magat Dams.