Pinatatakbong nominee sa partylist… NORA, NA-TRAUMA NA, ATRAS SA PULITIKA

Erlinda Rapadas / TEKA NGA

ANO na kaya ang nangyari sa alok noon ng isang partylist sa Superstar na si Nora Aunor?

Natatandaan namin na three weeks bago nagwakas sa ere ang seryeng Onanay, nabalita na may isang partylist na lu­mapit at nag-offer kay Aunor upang maging kinatawan nito. Kaya naman nag­hintay ang kanyang mga fans and supporters sa desisyon at magiging pa­hayag ng Superstar.

Pero, hanggang sa dumating na ang deadline para sa partylist ay hindi nagpaparamdam si Ate Guy. Meaning, hindi niya tinanggap ang alok sa kanya.

Kaya may mga nagtatanong kung ang partylist na nag-alok kay Aunor ay ang Ako Bikol, na ngayon ay ang veteran actor na si Eddie Garcia ang nominee?

Bikolano rin kasi si Manoy Eddie at kilalang-kilala sa mundo ng showbiz. Malakas ang recall ng kan­yang pangalan dahil sa markadong exposure niya sa Ang Probinsyano ni Coco Martin.

Ang tanong ngayon ng mga netizens, bakit ayaw na ng Superstar na suma­bak sa pulitika? Napaso o na-trau­ma ba si Aunor sa mga naging experience niya noon?