Palasyo, tamang hinala, biglang naglabas ng matrix ng 'Oust Duterte Movement'
MGA TAGA-MALACAÑANG, ‘TAMANG HINALA’—Naglabas ng matrix ang Malacañang tungkol sa “Oust Duterte Movement” at ang mga isinangkot dito ay mga miyembro ng media at mga abogado.
Pambihira, nananawagan lang ang mga taga-media ng press freedom at nananawagan lang ang mga abogado na itigil ang pagpatay sa mga kapwa nila abogado tapos para sa mga taga-Malacañang ay “Oust Duterte Movement” na raw ito.
Naku, grabe naman pala ang mga taga-Malacañang, “tamang hinala”, boom!
◘◘◘
PASABOG NI ‘BIKOY’, SUPOT!—Noong una, maraming naniwala sa ibinulgar ng isang alyas Bikoy na sangkot daw sa kalakaran ng iligal na droga si Presidential Son Paolo “Pulong” Duterte kasi ayaw nitong ipakita sa publiko ang likod nito na may tattoo raw ng dragon na simbolo ng sindikato.
Pero, nang isangkot na ni “Bikoy” ang bunsong anak ni P-Duterte na si Kitty sa kalakaran ng iligal na droga, marami ang napataas ang kilay, dahil napakaimposibleng masangkot sa sindikato ng illegal drugs ang menor-de-edad na anak ng pangulo.
Dahil d’yan, 'yung pasabog ni “Bikoy” laban sa Pamilya Duterte ay supot pala, he-he-he!
◘◘◘
LABANAN SA POLITIKA, DARAANIN NA LANG SA PALAKIHAN NG ARI? —Matapos mag-viral sa social media na “nilalaro” ni opposition musician Jim Paredes ang kanyang ari ay ipinagmalaki ni P-Duterte na malaki raw ang kanyang ari.
Matapos ipagmalaki ni P-Duterte na malaki ang kanyang ari ay sinabi nitong wala na raw eleksiyon, palakihan na lang daw ng ari ang maging labanan sa politika.
Naku, kapag nangyari ‘yan, onli in da ‘Pilipins lang na ang magiging labanan sa politika ng administrasyon at oposisyon ay palakihan ng ari, boom!
◘◘◘
RAKET NI ‘CHRISTIAN’, UNTOUCHABLE SA PASAY CITY—Halos lahat daw ng barangay sa Pasay City ay may pa-bookies at lotteng ni “Christian”.
Dahil dito, lumalabas na untouchable pala sa jurisdiction nina Mayor Tony Calixto at Lt. Col. Bernard Yang ang raket ni “Christian”, buwisit!
Comments