MY JOPAY, MALAKI ANG UMENTO SA 3YO

MALAKI ang inu­mento ng kabayong My Jopay kaya nanalo ng may dalawang kabayo ang layo sa mga kalaban sa tagpong naganap na 2019 PHIL­RACOM “3 Year Old Local Fillies and Colts” sa Santa Ana Park, Naic, Cavite.

Hinog na ang My Jo­pay, nasa tamang edad ang kabayo para isabak sa ma­lalaking pakarera.

Inihahanda ang My Jopay sa 2019 Philracom “Triple Crown” na magsi­simula sa Mayo.

Maganda ang pagka­kadala ng My Jopay ni jockey R D Raquel Jr. na naorasan sa bilis na 1:40 sa distansiyang 1,600 meters.

Binigo ng My Jopay ang kalaban gaya ng Wes­teros, Lakan Takhan, Two Timer, ang The Accoun­tant na dumating na pa­ngalawa at 3rd placer na PeterSaints at dumating na pang-apat ang Gil’s Magic.

Ang My Jopay ay pag-aari ni M.B. Villaseñor na nakitaan ng husay sa pag­takbo.

Umalis na bandera ang My Jopay habang naka­buntot ang mga kalaban, umalis na pang-lima ang Lakan Takhan at kulelat ang Westeros na siyang li­yamado sa karera.

Nagtangkang agawin ng The Accountant ang unahan subalit higit na mas mabilis ang My Jopay at lumayo ang kabayo.

Nagbigay ng P8,390 sa forecast 2/5, P13,006.80 sa Trifecta at P20,435.20 habang nagbigay ng P390.00 sa Extra Double 7/2 at P117.50 sa Daily Double na 4/2. Nagbigay sa 1st Pick 6 ng halagang P22,684.60 at nagbigay ng WTA P65,319.80 at 2nd Pick 6 ng halagang P28,594.80.