Tulak niratrat ng 4

PATAY ang isang lalaki matapos pagbabarilin ng apat na lalaki sa Bgy. San Antonio, San Pedro City, Laguna.

Batay sa inisyal na ulat, alas-9:50 ng gabi, habang nasa loob ng bahay si Rolito Sadorram, nang pasukin ng apat na armadong suspek.

Pagkakita sa kanya, agad siyang pinagbabaril.

Nagtamo ito ng ilang tama ng bala sa katawan kung saan binawian din ng buhay sa lugar habang nakatakas naman ang mga salarin.

Posible umanong may kinalaman sa pagiging tulak nito ng iligal na droga ang motibo sa krimen dahil kilala siya sa kanilang lugar.

Gayunman, patuloy ang pag-iimbestiga ng pulisya sa tunay nitong motibo sa krimen at pagkakakilanlan ng mga suspek.