Nakamotor utas sa bus

ISANG rider ang nama­tay nang masalpok ng bus sa Valenzuela City.

Dead-on-the-spot si Eironn Rascle Bercida, 20, ng Bgy. Dalandanan.

Nakapiit na ang driver ng Golden Dragon Bus na may tem­porary plate number U1L-245 na si Brian Roberto, 37, ng Mey­cauayan, Bulacan.

Alas-11:48 ng gabi, mina­maneho ni Roberto ang pam­pa­sa­herong bus habang binabagtas ang kahabaan ng MacArthur Highway at nang papaliko na ito paka­liwa para gumarahe sa kanilang terminal (Star Bus Terminal) sa Bgy. Malanday nang hindi nito mapansin ang paparating na motor (NC 26322) na minamaneho ng bik­tima. Huli na bago nakon­trol ng bus driver ang preno at nasalpok nito ang motor­siklo. Sumuko naman sa pulisya ang driver na naha­harap sa kaukulang kaso.