21 bahay natupok sa sunog
Pabs Hernandez III
Apr 21, 2019
1 min read
NEGROS OCCIDENTAL—Tinupok ng apoy ang 21 bahay sa naganap na sunog, kamakalawa sa Bgy. Singcang-Airport, Bacolod City sa lalawigang ito.
Ayon sa ulat, ang sunog ay nag-umpisa sa bahay ng isang Mary Jane Lopez at dahil gawa sa light materials ay mabilis na natupok ng apoy ang 20 pang kabahayan sa naturang barangay.
Patuloy pa ang isinasagawang imbestigasyon ng mga awtoridad upang mabatid ang sanhi ng sunog sa bahay ni Lopez.
Wala namang iniulat na nadisgrasya sa naganap na sunog at sa ngayon ay inaalam na rin ang halaga ng mga ari-arian na napinsala sa nasabing insidente.
Comments