Bukod sa pagbabakasyon, mga lodi! 8 TRADISYON NGAYONG SEMANA SANTA

NGAYONG Se­mana Santa ang panahon kung saan ginugunita nating mga Kristiyano ang pag­pa­pakasakit, pagkamatay at mu­ling pagkabuhay ng Panginoong Hesu­Kristo. Gayundin, panahon ito ng pag­ninilay-nilay, pag­­da­rasal, pagsasakri­pisyo at pagbabago.

Gayunman, kahit mo­der­no na ang panahon, ma­rami pa ring pamilyang Pi­lipino ang mayroong sinu­sunod na tradisyon tuwing Semana Santa.

Narito ang iba’t ibang tra­disyon nating mga Pinoy tuwing Holy Week:

1. PALM SUNDAY. Noong nakaraang Linggo, muling iwinagayway ng mga Kristiyano ang kanilang mga palaspas. Ito ang simula ng Holy Week kung saan nagti­ti­pun-tipon ang marami sa Simbahan na mayroong mga dalang palaspas upang mag­pabasbas. Ang tradisyon na ito ay tulad ng pangyayari kung saan sinalubong ng mga Israelita si HesuKristo nang pumunta ito sa Jerusalem. May paniniwala na ang pag­tatago ng palaspas ay mag­dadala ng suwerte sa mga bahay.

2. PABASA. Isa ito sa pinaka-popular na tradisyon ng mga Pilipino. Mayroong grupo ng mga taong magba­basa ng mga dasal habang may­roon ding grupo na sasa­got.

Kadalasan, ito ay gina­gawa para sa buong komuni­dad, gayunman, may pabasa na ginagawa naman ng ibang pamilya para sa kanilang mag-anak.

3. MORIONES FES­TIVAL. Sa Marinduque ito naging pinaka-popular, ina­alala rito ang mirakulo ni Longinus, sundalong bulag ang isang mata na sumaksak sa tagiliran ni HesuKristo. Ayon sa kuwento, muli si­yang nakakita matapos ma­talsikan ng dugo ni Hesu­Kristo ang kanyang bulag na mata. Rito nagsimula ang kanyang paniniwala kung saan tumulong siya upang ikalat ang mabuting salita ni Hesus. Maskara ang ibig sa­bihin ng salitang “Morion” kaya nagsusuot ng maskara na may mukha ng sundalo ang mga nakikiisa sa okas­yong ito.

4. SENAKULO. Ito ay dulang isinasagawa upang alalahanin ang mga paghihi­rap ni HesuKristo bago Siya ipako sa krus. Gayundin, may­roong isa pang uri nito kung saan ang mga deboto ay naglalakad sa init ng sikat ng araw habang hinahampas ng latigong tinik ang kani­lang katawan, mayroon ding mga deboto na nagpapapako sa krus bilang parte ng kanilang panata.

5. FASTING AND ABSTINENCE. Bilang bahagi ng pagsasakripisyo, iniiwasan natin ang pagkain ng karne, gayundin, ang pag-iwas sa “guilty pleasure” tulad ng paninigarilyo, pag-inom ng alak, pagsusugal, pagkain ng mga paborito nating pagkain at iba pa. Ito ay “sakripisyo” ng bawat isa kasabay ng paggunita sa sak­ripisyo ni HesuKristo para sa lahat.

6. STATIONS OF THE CROSS. Ito rin ang ti­natawag na Way of the Cross o Via Crucis. Ito ay relihiyo­song tradisyon kung saan tayo ay nagdarasal habang pinagninilayan ang 14 na pang­yayari mula nang ipina­ko sa krus si Hesus hang­gang siya ay muling nabu­hay.

7. SIETE PALABRAS. Ito ay ginagawa tuwing Bi­yernes Santo o Good Friday. Isinasadula rito ang pagka­matay ni HesuKristo at may­roon ding nagaganap na mahabang misa at madalas ay nagkakaroon ng prusis­yon matapos ang misa.

8. SALUBONG. Tina­tawag din itong “Pasko ng Pagkabuhay”, sa pagkakata­ong ito, inaalala natin ang muling pagkabuhay ni Hesu­Kristo matapos ang tatlong araw. Pami-pamilya ang nag­sisimba at tunay na natu­tuwa sa muling pagkabuhay ni HesuKristo.

Anuman ang mga tra­disyon na nakasanayan na­ting sundin at gawin, huwag nating kalilimutang isaisip at isapuso ang tunay na kaha­la­gahan nito.

Okie?