SIXERS, TINABLAHAN ANG NETS SA 51 PTS., BUCKS ARANGKADA RIN

NAKONTROL ng Phi­la­delphia 76ers ang laro nang umatake ng 51 puntos sa third quarter at mabuhay pa ang pag-asa para sa playoff game at nagawa pang ipatas ang first-round series na may tig-isa nang panalo sa bisa ng 145-123 victory laban sa bisitang Brooklyn Nets sa NBA game kahapon.

Ang Game 3 ay sa Hu­webes sa New York. Ku­mulekta si Joel Embiid ng 23 puntos at 10 rebounds upang pangunahan ang Philadel­phia. Para sa ikalawang di­retsong pagkakataon, hu­min­to sa laro si Embiid dahil na rin sa sumusumpong na tendinitis sa kaliwang tuhod, pero nagawa pa niyang maglaro sa ilang quarters.

Si Embiid ay may kabu­uang 13 puntos at 5 rebounds sa 3rd quarter nang bumanat ang Philadelphia ng 72 per­cent at tinalo ang Brooklyn, 51-23. Lumakas ang laro ni Embiid matapos siyang ta­wagan ng flagrant-one foul kay Jarrett Allen sa nalala­bing 35.6 segundo sa first half. Nakapatas ang Philadel­phia sa 1962 Los Angeles Lakers points sa pagkaka­roon ng mas maraming pun­tos sa quarter sa playoff game.

Samantala, sa iba pang laro, lumagare si Giannis An­tetokounmpo ng 24 puntos, 17 rebounds at 4 assists sa 23 minuto nang gapiin ng Milwaukee Bucks ang bi­sitang Detroit Pistons, 121-86, sa kanilang Eastern Con­ference playoff opener. Si George Hill ay may naga­wang 16 puntos para sa Bucks na nanalasa ng 26 puntos sa halftime. Umiskor si Eric Bledsoe ng 15 puntos, sina Brook Lopez at Khris Middleton ay may tig-14 puntos, may 11 si Sterling Brown at team-high seven assists.

Na-eject naman si Pis­tons center Andre Drum­mond sa nalalabing 4:07 na minuto sa 3rd quarter nang itulak sa sahig si Anteto­kounmpo. Ang dalawang kamay na pagtulak ay ginawa nang makakuha ng offensive rebound si Antetokounmpo. Tumapos si Drummond ng 12 puntos at 12 rebounds. May 21 puntos si Luke Ken­nard para sa Detroit. May 12 puntos si Reggie Jackson at 5 assists. (MC/ATD)