GM GOMEZ, IM BERSAMINA AT IM MENDOZA, BIDA SA MONGOLIA

NAITAKAS nina Grand­master John Paul Gomez , International Master Paulo Bersamina at Woman IM Shania Mae Mendoza ang magkakahiwalay na tagum­pay sa penultimate round ng Eastern Asia Chess Cham­pionships FIDE Zone 3.3 Open sa Ulaanbaatar, Mon­golia.

Tinalo ni Gomez, 8th ranked sa paligsahan at may rating na 2460, si FIDE Mas­ter Ganzorig Amartuv­shin ng Mongolia upang iangat ang kanyang produk­siyon sa 5.5 puntos at maka­sampa siya sa panglimang puwesto. Kasama sa maning­ning na panalo ng Pinoy sa paligsahan ay ang paggapi niya kay Mongolian GM Bazar Khatanbaatar noong round 2.

Isang Mongolian din ang dinaig ni Bersamina (no. 11 sa pre-tournament fore­cast at may rating na 2444) sa katauhan ni FM Tsedvee Lkhagvasuren tungo sa pag­likom ng kabuuang limang puntos at pag-akyat sa pam­pitong baytang. Sa round 7, nakapagposte rin ang Pinoy ng panalo kontra kina Mon­golian FM Byamvasuren Garidmagnai at kay Mongo­l­ian GM Tsegmed Batchulu­un sa pangala­wang round.

Sa kababaihan, bagamat 16th seed lang sa kompetis­yon, swak na sa top 10 si Men­doza (may rating na 2156) matapos niyang pa­bag­sakin ang hamon ni WIM Ngoc Bich Phan ng Vietnam sa round 8. At sa tu­long din ng panalo kay Mon­golian WIM Bayar­jargal Bayarmaa noong round 7, ang Pinay ay mayroon nang li­mang pun­tos na sapat para sa pagkapit nito sa pampi­tong puwesto.