Turista todas sa sekyu

PATAY ang isang bakasyunista matapos barilin ng nakaaway na security guard sa Fortune Island Resort, Nasugbu, Batangas.

Kinilala ang biktimang si Rizaldy Raniel Tamayo, 47, ng Biñan, Laguna habang ang suspek ay si Alexander Tolentino, 37, tubong Calatagan.

Batay sa initial report, alas-10:00 ng umaga nang dumating sa naturang resort ang biktima kasama ang pamilya nito.

Pagpasok nito sa lugar, nag-usap pa silang dalawa kung saan biglang humantong sa pagtatalo. Agad umanong bumunot ng dala nitong baril ang suspek at makailang ulit siyang pinagbabaril sa iba’t ibang bahagi ng katawan.

Duguan itong bumulagta at agad nasawi sa pinangyarihan ng insidente.

Dali-dali namang itinapon ng suspek ang baril nitong ginamit pagkakita sa mga rumespondeng pulisya.