Mga Pinoy, walang choice kundi ang magtiwala sa pangulo kahit binabatikos ng publiko

RYAN B. SISON / BOSES

MATATANDAANG maraming Pili­pino ang bumabatikos kay Pangulong Rodrigo Duterte dahil sa kanyang mga opinyon at sinasabi.

Gayunman, base sa mga nakaraang sur­vey, imbes umanong bumaba ang trust ratings ng pangulo, hindi ito naapek­tu­han sa pambabatikos ng mamamayan, ayon sa Palasyo. Hmmm...

Pero, may mga survey na bias at hindi natin alam kung totoo ito o hindi.

Sa totoo lang, alam nating marami nang nagawa si Pangulong Duterte sa ban­sa tulad ng mga pagpapaigting ng kampanya kontra iligal na droga at pag­papasa ng iba pang mga batas na may pakinabang talaga.

Bagama’t, marami pa ring problema ang bansa, nagkakaroon naman ito nang pag-usad.

Samantala, kahit hindi natin gusto ang ginagawa ng pangulo, wala tayong choice kundi ang pagkatiwalaan siya at mani­wala na kaya niyang ayusin ang bansa base na rin sa mga ipinangako niya sa lahat.

Kaya hangga’t nakaupo pa siya sa puwesto, huwag tayong mawalan ng pag-asa na mararamdaman din natin ang tunay na pag-asenso at pagbabago!

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.