Mga dilawang pulitiko, laglag sa survey, hmmm...
“BAM” AT “MAR”, LAGLAG SA LATEST SURVEY NG PULSE ASIA — Sa latest survey ng Pulse Asia, wala kahit isa sa mga kandidato ng Liberal Party (LP) ang pumasok sa Top 12.
Ibig sabihin, ang mga dating pumapasok sa Top 12 na sina Sen. Bam Aquino at ex-DILG Sec. Mar Roxas ay laglag sa latest survey ng Pulse Asia.
Tila yata mamalasin ang mga LP sa darating na eleksiyon kasi kapag ganito rin ang naging resulta ng halalan ngayong May 13, 2019, walang madaragdag na dilawang pulitiko sa Senado, boom!
◘◘◘
MAY PAKIALAM ANG TAUMBAYAN SA SALN NI P-DUTERTE — Matapos ibulgar ng PCIJ (Philippine Center for Investigative Journalism) ang mga tagong-yaman at negosyo ng Pamilya Duterte na hindi nakasaad sa kanilang SALN (Statement of Assets, Liabilities and Networth), galit na sinabi ni P-Duterte na wala raw pakialam ang sinuman na kuwestiyunin ang kanilang ari-arian.
Ganu’n? Para sa kaalaman ni P-Duterte, may pakialam ang taumbayan na malaman kung saan nagmula ang kanilang yaman na hindi nakasaad sa kanyang SALN kasi siya ang pangulo ng bansa, period!
◘◘◘
LAHAT NG MGA TAONG-GOBYERNO, DAPAT KUMPLETONG ARI-ARIAN ANG NAKATALA SA SALN; PERO SI P-DUTERTE, AYAW — Nakasaad sa Konstitusyon na lahat ng mga taong-gobyerno, dapat itinatala sa SALN ang lahat ng kanilang mga ari-arian upang matiyak na hindi sa pangungurakot galing ang kanilang yaman sakaling umasenso sila sa buhay, pero si P-Duterte, ayaw at wala raw pakialam ang sinuman sa kanilang kayamanan.
Kung anuman ang dahilan ni P-Duterte nang hindi niya itala sa kanyang SALN ang iba nilang ari-arian ay siya at ang pamilya lang niya ang nakaaalam, period!
◘◘◘
PALAWAN, 3 PROBINSIYA NA KAYA MADARAGDAGAN NA NAMAN ANG MGA PULITIKONG PALALAMUNIN NG TAUMBAYAN — Nilagdaan na ni P-Duterte bilang batas na hahatiin sa tatlong probinsiya ang Palawan at ito ay ang Palawan del Norte, Palawan del Sur at Palawan Oriental.
Dahil d’yan, madaragdagan na naman ang mga pulitikong “palalamunin” ng taumbayan, buwisit!
Comments