Empleyado tepok sa tiyuhin
- Pabs Hernandez III
- Apr 14, 2019
- 1 min read
NEGROS OCCIDENTAL—Isang empleyado ang namatay nang barilin ng kanyang tiyuhin, kamakalawa sa bayan ng Hinobaan sa lalawigang ito.
Kinilala ang biktima na si Hernani Gustilo, samantalang, ang suspek ay ang tiyuhin niyang si Vicente Pamplega, kapwa nakatira sa nasabing bayan.
Ayon sa ulat, naglalakad si Gustilo nang salubungin ito ni Pamplega at agad binaril sa hindi pa malamang dahilan.
Dinala ng mga saksi si Gustilo sa ospital, pero idineklara itong dead-on-arrival, samantalang, pinaghahanap na ng pulisya ang suspek.
Comments