Notoryus na pusher dedo sa buy-bust

CEBU—Isang notoryus na drug pusher ang napatay nang makipagbarilan sa pulisya na nagsagawa ng buy-bust operation, kamakalawa sa Bgy. Calawisan, Lapu-Lapu City sa lalawigang ito.

Ang suspek ay nakilalang si Manuel Baclohan, residente ng nabanggit na lungsod.

Ayon sa ulat, dadakpin sana sa drug-bust operation si Baclohan, pero nanlaban ang suspek at pinagbabaril ang mga awtoridad.

Dahil dito, kaagad gumanti ng putok ang mga awtoridad kaya napatay ang suspek.