Mga pasaway na resort owner na hindi maglalagay ng first aid responders, lagot!
SWIMMING dito, swimming doon, ang tanong, ligtas ba kayo sa inyong mga pinupuntahan? Hmmm…
‘Ika nga nila, ang pagsasaya ay may kaakibat na disgrasya, kaya dapat palagi tayong mag-ingat at maging handa.
Kaya naman nagbabala ang Department of Tourism (DOT) sa mga resort na walang inilalagay na mga first aid responder, ito ay dahil ang lahat ng resorts ay required umano na magkaroon nito bago pa sila mabigyan ng accreditation ng DOT kung saan sakaling hindi sila sumunod sa polisiya ay maaaring maipasara ang kanilang resort.
Sa ngayon ay nadiskubre ng DOT na ang Boracay Island at Siargao ay wala umanong emergency facilities na mangangalaga sa mga turista kung sakaling sila ay maaksidente.
Gayunman, kahit hindi ito requirement, dapat mayroong first aid staff ang bawat resort, lalo na ngayong hindi na mabilang sa mga daliri ang mga nagbabakasyon.
Dagdag pa rito, bilang negosyante, kaligtasan ng lahat ang dapat ninyong maging prayoridad, huwag kayong tumulad sa mga pasaway na inuuna ang kumita kaysa makapaglingkod ng tama.
Samantala, para sa mga opisyal ng gobyerno, tiyakin nating may mga doktor at nurse sa iba’t ibang tourist destinations upang sa huli hindi tayo ang masisisi dahil hindi natin nagawa nang maayos ang tungkulin natin para sa kapakanan ng mamamayan.
Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES ni RYAN SISON at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com.
Comments